1. postgresql məlumat bazası üçün spatial data əlavəsi (extension). siz bu əlavə ilə məlumat bazasında həndəsi elementləri (2 və 3 ölçülü fəzada nöqtə, xətt, polygon və.s.) saxlayıb üzərində hesablamalar apara bilərsiniz. bu hesablamalara 2 nöqtə arasındakı məsafənin tapılması, polygona daxil olan nöqtələrin müəyyən edilməsi və.s. daxildir.

bundan əlavə coğrafi koordinatların da üzərində hesablamaq üçün yararlı funkisyaları var. bildiyiniz kimi coğrafi enlik və uzunluq (latitude and longitude) düzbucaqlı (cartesian) koordinat sistemində deyil də ellipsoid koordinat sisteminə əsasən hesablanır. yer kürə şəkilli olduğundan 2 koordinat arasındakı məsafəni düzbucaqlı koordinat sistemindəki kimi hesablasanız uzaq məsafələrdə xəta verəcəkdir. bu kimi özəlliklərinə görə postgis ən populyar məlumat bazası spatial əlavələrindən biridir.

həmçinin uber, bolt kimi taksi applarının da istifadə etdiyi extensiondur.

postgis üçün pgRouting deyə bir əlavə də mövcüddür. xəritədə verilmiş iki nöqtə arasındakı ən qıssa yolun tapılmasında istifadə edilir. real nümunələrinə isə google maps direction kimi navigation sistemiləri filan daxildir. pgrouting əlavəsinin daxilində dijkstra və a* pathfinding kimi məşhur alqoritmlər mövcüddür